EPISODE 1

ఇంటర్వ్యూ కోసం వచ్చిన అభ్యర్థులతో ఆ కంపెనీ ఆఫీస్ బయట అంతా సందడిగా ఉంది. కొందరు తమ రెజ్యూమ్‌లను మరోసారి చూసుకుంటుంటే, మరికొందరు ఇంటర్వ్యూలో ఏం అడుగుతారో అని టెన్షన్‌గా పుస్తకాలు తిరగేస్తున్నారు.

అదే సమయంలో తేజ తన వంతు కోసం కుర్చీలో కూర్చుని చాలా రిలాక్స్‌గా కనిపిస్తున్నాడు.

అతని పక్కనే మరో అమ్మాయి కూర్చుంది. ఆమె పేరు భర్గవి.

ఆమె చేతిలో ఫైల్ ఉంది. ముఖంలో కొంచెం టెన్షన్ ఉన్నప్పటికీ, కళ్లలో మాత్రం ఆ ఉద్యోగం సాధించాలనే పట్టుదల స్పష్టంగా కనిపిస్తోంది.

తేజ ఆమె వైపు చూసి, చిన్నగా నవ్వుతూ మాట్లాడాడు.

తేజ:

"ఏంటి... జాబ్ కొట్టేద్దాం అనే?"

భర్గవి అతని వైపు చూసింది.

భర్గవి:

"హా! ఆ కాన్ఫిడెన్స్ లేకపోతే ఇంటర్వ్యూ కోసం ఎందుకు వస్తాం?"

ఆమె సమాధానం తేజకు నచ్చినట్టుగా నవ్వాడు.

తేజ:

"నీకు కన్ఫర్మ్‌గా జాబ్ రాదు!"

ఆ మాట వినగానే భర్గవి ముఖం మారిపోయింది.

భర్గవి:

"ఏయ్! ఇంకేం అన్నావ్ పిచ్చా?! ఎన్నో కాలాలు కన్నా ఈ జాబ్ కోసం! నోటికి ఏం వస్తే అదే అంటున్నావా?"

తేజ మాత్రం ఆమె కోపాన్ని పెద్దగా పట్టించుకోలేదు. పైగా ఇంకా నవ్వుతూనే ఉన్నాడు.

అప్పుడే లోపలి నుంచి ఓ మహిళా ఉద్యోగి పిలిచింది.

"మిస్. భర్గవి!"

భర్గవి వెంటనే తన ఫైల్ తీసుకుని లేచింది. లోపలికి వెళ్లే ముందు తేజ వైపు ఒకసారి కోపంగా చూసి వెళ్లిపోయింది.

---

కొంతసేపటి తర్వాత...

ఇంటర్వ్యూ పూర్తయింది.

భర్గవి ఆఫీస్ గది నుంచి బయటకు వచ్చింది.

అయితే లోపలికి వెళ్లే ముందు ఉన్నంత ధైర్యంగా ఇప్పుడు కనిపించడం లేదు.

ఆమె ముఖంలో నిరాశ స్పష్టంగా కనిపిస్తోంది.

అది గమనించిన తేజ ఆమె ఎదురుగా వచ్చాడు.

భర్గవి అతన్ని చూసేలోపే—

తేజ:

"హహహహా!"

అని గట్టిగా నవ్వాడు.

భర్గవికి అప్పటికే ఉన్న నిరాశకు తోడు అతని నవ్వు మరింత చిరాకు తెప్పించింది.

భర్గవి:

"ఏయ్! నోటితో అన్నావ్ రా సచ్చినోడా! ఇప్పుడు నువ్వే కదా వెళ్తావ్! ఎలా సెలెక్ట్ అవుతావో నేను చూస్తా!"

అని అతని మీద కోపంగా చూసింది.

భర్గవి:

"నువ్వు కూడా సెలెక్ట్ అవ్వవు... ఇదే నా శాపం!"

ఆమె అంత కోపంగా మాట్లాడుతున్నా తేజ మాత్రం ఏ మాత్రం సీరియస్‌గా తీసుకోలేదు.

నవ్వుకుంటూ అన్నాడు—

తేజ:

"అబ్బా! ఎంత బాగా తిడుతున్నావే! ఎవడు చేసుకుంటాడో కానీ సచ్చిపోతాడు యెదవ!"

భర్గవి అతన్ని అసహనంగా చూస్తుండగానే తేజ చేయి ఊపాడు.

తేజ:

"థ్యాంక్స్ ఏ... బైeeee!"

అని చెప్పి లోపలికి వెళ్లిపోయాడు.

భర్గవి మాత్రం అతని వెనకే కోపంగా చూస్తూ నిలబడిపోయింది.

భర్గవి మనసులో:

"వీడంటే నాకు అసలు చిరాకు!"

---

కొద్దిసేపటి తర్వాత భర్గవి అక్కడే నిలబడి తేజ కోసం ఎదురుచూస్తోంది.

అతను కూడా సెలెక్ట్ అవ్వలేదని చూడాలన్న చిన్న పంతం ఆమె మనసులో ఉంది.

చివరికి ఆఫీస్ తలుపు తెరుచుకుంది.

తేజ బయటకు వచ్చాడు.

అతని ముఖంలో మాత్రం ఏదో పెద్ద విజయం సాధించినట్టున్న ఆనందం!

అతను భర్గవిని చూసి చిరునవ్వు నవ్వాడు.

భర్గవి అతన్ని చూసి ఒక్కసారిగా ఆలోచనలో పడింది.

భర్గవి మనసులో:

"వీడేంటి ఇంత కాన్ఫిడెంట్‌గా వస్తున్నాడు? కొంపదీసి జాబ్ కొట్టేశాడా?!"

ఆమె వెంటనే అక్కడి నుంచి మెల్లగా పక్కకు జరగడం మొదలుపెట్టింది.

భర్గవి మనసులో:

"ఇక్కడే ఉంటే చచ్చానే!"

అంతలోనే తేజ ఒక్కసారిగా ఆమె ముందుకొచ్చాడు.

తేజ:

"ఇదిగో అమ్మాయి!"

భర్గవి ఆగిపోయింది.

తేజ:

"నేను సెలెక్ట్ అవ్వలేదు! ఏం కంగారు పడకు... వేరే కంపెనీ ఉంది. పదా వెళ్దాం!"

భర్గవి ఒక్కసారిగా షాక్ అయింది.

భర్గవి:

"ఏంటి?! సెలెక్ట్ కాలేదా?"

తేజ ఆమె ముఖాన్ని గమనించి చిరునవ్వు నవ్వాడు.

తేజ:

"ఎక్స్‌ప్రెషన్ మార్చు! నువ్వేం నా లవర్‌వి కాదు!"

భర్గవి ఒక్కసారిగా చిరాకుగా అతని వైపు చూసింది.

భర్గవి:

"రేయ్! పిచ్చి పిచ్చిగా మాట్లాడకు! అసలు నాన్‌సింక్‌లో మాట్లాడతావేంటి?"

అప్పుడే పక్కనుంచి ఆ ఆఫీస్‌లో పనిచేసే ఓ వ్యక్తి వాళ్ల దగ్గరికి వచ్చాడు.

వర్కర్:

"ఏయ్ మిస్టర్! ఏంటి ఆ అమ్మాయితో మిస్‌బిహేవ్ చేస్తున్నావ్?"

తేజ అతని వైపు నెమ్మదిగా తిరిగాడు.

ఒక్క క్షణం అతన్ని గమనించాడు.

తర్వాత జేబులోంచి ఓ చిన్న కత్తి తీసి చూపించాడు.

తేజ:

"మిస్టర్ సత్తిపండు... మా పర్సనల్ మ్యాటర్‌లోకి వచ్చావనుకో... కోసి కూర వండేస్తాను!"

ఆ మాట వినగానే ఆ వ్యక్తి ముఖం తెల్లబడిపోయింది.

ఏం మాట్లాడాలో కూడా అర్థం కాక అక్కడి నుంచి పరుగెత్తుకుంటూ వెళ్లిపోయాడు.

భర్గవి మాత్రం తేజ వైపు కోపంగా చూసింది.

భర్గవి:

"గెట్ లాస్ట్!"

అని చెప్పి అక్కడి నుంచి వెళ్లిపోయింది.

తేజ మాత్రం ఆమె వెళ్లిపోతున్న వైపు చూస్తూ చిరునవ్వు నవ్వాడు.

---

అదే రోజు రాత్రి...

భర్గవి తన గదిలో మంచం మీద పడుకుంది.

గది మొత్తం నిశ్శబ్దంగా ఉంది.

కిటికీలోంచి వస్తున్న చల్లని గాలి తెరలను మెల్లగా కదిలిస్తోంది.

కానీ భర్గవికి మాత్రం నిద్ర రావడం లేదు.

కళ్లను మూసుకున్న ప్రతిసారీ తేజ ముఖమే గుర్తుకొస్తోంది.

అతను మాట్లాడిన విధానం...

అతని అతి కాన్ఫిడెన్స్...

తాను కోపంగా తిట్టినా అతను నవ్విన తీరు...

"థ్యాంక్స్ ఏ... బైeeee!" అని చెప్పిన విధానం...

అన్నీ ఒక్కొక్కటిగా గుర్తుకొస్తున్నాయి.

తెలియకుండానే భర్గవి పెదవులపై చిరునవ్వు వచ్చింది.

ఆమె తనలో తానే మురిసిపోయింది.

అయితే వెంటనే తనకు తానే సర్దిచెప్పుకుంది.

భర్గవి మనసులో:

"ఛీ... వీడంటే నాకు ఎంత చిరాకు! అయినా వీడి మాటలు గుర్తొచ్చి నేను నవ్వుతున్నానేంటి?"

కొద్దిసేపు నిశ్శబ్దంగా పడుకున్న తర్వాత ఆమెకు ఒక్కసారిగా ఓ ప్రశ్న గుర్తొచ్చింది.

తేజ మీద తనకు ఎంత కోపం ఉన్నా... ఆ ప్రశ్న మాత్రం ఆమె మనసులోంచి పోవడం లేదు.

ఆమె పైకప్పు వైపు చూస్తూ నెమ్మదిగా అనుకుంది—

భర్గవి:

"అసలు... ఇంటర్వ్యూలో ఎందుకు సెలెక్ట్ అవ్వలేదు అతను?"

ఆ ప్రశ్నతో ఆమె ఆలోచనలు మళ్లీ తేజ చుట్టూనే తిరగడం మొదలుపెట్టాయి.

ఆమెకు తెలియకుండానే... ఆ రోజు తన జీవితంలోకి వచ్చిన ఆ అల్లరి మనిషి గురించి ఆలోచిస్తూ మరోసారి చిన్నగా నవ్వుకుంది.