Episode 1

న్యూఢిల్లీ...

ఆ రోజు ఉదయం దేశవ్యాప్తంగా ఒకే వార్త చర్చనీయాంశమైంది.

"భారత సైన్యంలోని ప్రతిభావంతమైన మహిళా అధికారి రితు బక్షి సస్పెండ్ చేయబడింది... అనంతరం సేవల నుంచి తొలగించబడింది."

న్యూస్ ఛానెల్స్, సోషల్ మీడియా, డిబేట్లు...

ప్రతి చోటా అదే పేరు.

"రితు బక్షి".

కానీ ఆశ్చర్యకరమైన విషయం ఏమిటంటే...

ఆమెపై అధికారికంగా ప్రకటించిన కారణం చాలా చిన్నది.

"ఆదేశాలను అతిక్రమించడం."

కొన్ని రోజులు , వారాలు, లేదా నెలలు మాత్రమే సస్పెండ్ చేయాలి కానీ సస్పెన్షన్ ఎన్ని రోజుల్లో సరిగ్గా చెప్పకుండా ఆమెని తప్పించడం వెనుక గవర్మెంట్ కుట్రలు ఏం అన్న ఉన్నాయి అనే ఊహ గానాలు కూడా వినిపిస్తున్నాయి !

అంతే.

ఒక దేశస్థాయి అవార్డులు పొందిన అధికారి, అత్యుత్తమ షూటర్, అనేక సీక్రెట్ ఆపరేషన్లలో పాల్గొన్న వ్యక్తిని కేవలం ఆ కారణంతో తొలగించడమా?

ప్రజలకు అది నమ్మశక్యంగా అనిపించలేదు.

---

ఆర్మీ హెడ్‌క్వార్టర్స్ బయట...

వందలాది మంది జర్నలిస్టులు గుమికూడారు.

కెమెరాల ఫ్లాష్‌లు మెరుస్తున్నాయి.

మైకులు ముందుకు చాచబడ్డాయి.

అంతలో భవనం ప్రధాన ద్వారం తెరుచుకుంది.

బయటకు అడుగుపెట్టాడు...

భారత సైన్యాధిపతి.

"జనరల్ భరద్వాజ్".

అతని ముఖంలో ఎప్పటిలాగే ప్రశాంతత ఉంది.

కానీ కళ్లలో మాత్రం ఏదో భారమైన భావం కనిపించింది.

రిపోర్టర్లు ఒక్కసారిగా చుట్టుముట్టారు.

"సర్! రితు బక్షిని ఎందుకు తొలగించారు?"

"ఆమె దేశద్రోహం చేసిందా?"

"ఆమె ఎక్కడ ఉంది?"

"సస్పెన్షన్ తర్వాత ఏమైంది?"

ప్రశ్నలు వరదలా వచ్చాయి.

భరద్వాజ్ కాసేపు మౌనంగా అందరినీ చూశాడు.

తర్వాత నెమ్మదిగా మాట్లాడటం ప్రారంభించాడు.

"రితు బక్షి గురించి మీ అందరికీ ఆసక్తి ఉందని నాకు తెలుసు."

అక్కడ నిశ్శబ్దం అలుముకుంది.

"కానీ నిజం చెప్పాలంటే..."

అతను కాసేపు ఆగాడు.

"ప్రస్తుతం ఆమె ఎక్కడ ఉందో... నాకు కూడా తెలియదు."

ఒక్కసారిగా రిపోర్టర్ల మధ్య గుసగుసలు మొదలయ్యాయి.

"ఏమిటి?"

"ఆర్మీ చీఫ్‌కే తెలియదా?"

"అసంభవం!"...అని అనుమానం వ్యక్తం చేశారు ఆ రిపోర్టర్లు

---

అప్పుడే ముందు వరుసలో ఉన్న ఒక యువ రిపోర్టర్ చేయి ఎత్తింది.

ఆమె పేరు...

వైష్ణవి.

దేశంలో వేగంగా ఎదుగుతున్న ఇన్వెస్టిగేటివ్ జర్నలిస్ట్.

"సర్..."

ఆమె గంభీరంగా అడిగింది.

"మీరు ఆమెను తొలగించారు. ఇప్పుడు ఆమె ఎక్కడ ఉందో కూడా తెలియదంటున్నారు. మరి రితు బక్షి నిజంగా ఎవరు?"

ఆ ప్రశ్న విన్న భరద్వాజ్ ముఖంలో స్వల్పమైన చిరునవ్వు మెరిసింది.

అది గర్వమో...

బాధో...

ఎవరూ అర్థం చేసుకోలేకపోయారు.

---

"మీరు అందరూ ఆమెను ఒక సాధారణ మహిళా అధికారిగా చూస్తున్నారు."

అన్నాడు భరద్వాజ్.

"కానీ రితు బక్షి ఎప్పుడూ సాధారణ వ్యక్తి కాదు."

కెమెరాలు మరింత దగ్గరగా జూమ్ అయ్యాయి.

"ఆమెను మొదటిసారి ట్రైనింగ్ గ్రౌండ్‌లో చూసినప్పుడు..."

"ఆమె మిగతా కేడెట్లలాగా కనిపించింది."

"కానీ రెండు వారాల్లోనే అందరికీ అర్థమైంది."

"ఆమె వేరు."

---

"ఆమె శరీర బలం అసాధారణం."

"ఆమె నిర్ణయాలు మెరుపు వేగంతో ఉంటాయి."

"ఆమెకు భయం అంటే తెలియదు."

"మరియు..."

భరద్వాజ్ కళ్లలో వెలుగు మెరిసింది.

"ఆమె దేశంలోనే అత్యంత ప్రమాదకరమైన షూటర్లలో ఒకరు."

ఒక్కసారిగా అందరూ మౌనమయ్యారు.

---

"ఒకసారి 1800 మీటర్ల దూరంలో ఉన్న టార్గెట్‌ను..."

"గాలి దిశ మారుతున్న సమయంలో..."

"ఒకే బుల్లెట్‌తో హిట్ చేసింది."

"అది కూడా రాత్రి."

రిపోర్టర్లు ఆశ్చర్యపోయారు.

వైష్ణవి నోట్‌బుక్‌లో వేగంగా రాస్తోంది.

---

"కానీ ఆమె అసలు బలం షూటింగ్ కాదు."

అన్నాడు భరద్వాజ్.

"ఆమె మెదడు."

"ఎవరూ ఊహించని కోణంలో ఆలోచించగలదు."

"ఒక సమస్యకు అందరూ ఒక పరిష్కారం చూస్తే..."

"రితు ఐదు పరిష్కారాలు చూస్తుంది."

---

"అయితే..."

అతని గొంతు ఒక్కసారిగా గంభీరమైంది.

"ఆమెకు ఒక లోపం ఉంది."

"ఆదేశాలు....!!"

"ఆమెకు తప్పు అనిపించిన ఆదేశాన్ని ఎప్పుడూ పాటించదు."

---

వైష్ణవి వెంటనే అడిగింది.

"అందుకే తొలగించారా?"

భరద్వాజ్ నేరుగా ఆమె వైపు చూశాడు.

"అవును."

"మరియు కాదు."

---

అక్కడున్నవాళ్లు మరింత ఆసక్తిగా విన్నారు.

"ఆమె తిరుగుబాటు స్వభావం కారణంగా సమస్యలు వచ్చాయి."

"ఆమె ఉన్నతాధికారులతో వాదించింది."

"రూల్స్‌ను ప్రశ్నించింది."

"సిస్టమ్‌ను సవాలు చేసింది."

"చివరకు..."

"ఆమెను తొలగించాల్సి వచ్చింది."

---

వైష్ణవి అడిగింది.

"అయితే ఆమె విఫలమైందా?"

భరద్వాజ్ వెంటనే తల ఊపాడు.

"లేదు."

"రితు బక్షి ఎప్పుడూ విఫలమవదు."

---

"అయితే ఎందుకు తొలగించారు?"

అని మరో రిపోర్టర్ అడిగాడు.

భరద్వాజ్ కళ్లలో ఒక్కసారిగా విచిత్రమైన మెరుపు

కనిపించింది.

"ఎందుకంటే..."

"కొన్ని సందర్భాల్లో..."

"వ్యవస్థకు సరిపోని వ్యక్తులు ఉంటారు."

"కానీ చరిత్రకు మాత్రం వాళ్లే అవసరం అవుతారు."

---

వైష్ణవి కనుబొమ్మలు ముడిచింది.

"సర్... ఆమెకు ఏదైనా కోడ్ నేమ్ ఉందా?"

అని అడిగింది.

భరద్వాజ్ కొద్దిసేపు మౌనంగా ఉన్నాడు.

ఆ తర్వాత నెమ్మదిగా అన్నాడు.

"ఉంది."

"చాలా కొద్దిమందికే తెలిసిన పేరు."

---

అక్కడున్న ప్రతీ కెమెరా అతని ముఖంపై నిలిచిపోయింది.

"ఏమిటది సర్?"

అని వైష్ణవి అడిగింది.

భరద్వాజ్ లోతుగా శ్వాస తీసుకున్నాడు.

ఆ తర్వాత ఒక్క మాట అన్నాడు.

"మాంటిస్ శ్రింప్."

---

అక్కడున్న రిపోర్టర్లు ఒకరినొకరు ఆశ్చర్యంగా చూశారు.

"మాంటిస్ శ్రింప్?"

"అది సముద్ర జీవి కదా?"

---

భరద్వాజ్ చిరునవ్వు నవ్వాడు.

"అవును."

"చిన్నదిగా కనిపిస్తుంది."

"కానీ దాని దెబ్బ ప్రపంచంలోనే అత్యంత శక్తివంతమైన దెబ్బలలో ఒకటి."

"అది చూసే రంగులు మనుషులు చూడలేరు."

"అది స్పందించే వేగాన్ని సాధారణ జీవులు అందుకోలేరు."

---

అతను నేరుగా కెమెరా వైపు చూశాడు.

"రితు బక్షి కూడా అలాంటిదే."

"ప్రజలు చూసేది ఒక మహిళా అధికారి మాత్రమే."

"కానీ వాస్తవానికి..."

"ఆమె ఏమి చూడగలదో..."

"ఏమి చేయగలదో..."

"చాలామందికి తెలియదు."

---

ఆ మాటలతో భరద్వాజ్ వెనక్కి తిరిగాడు.

అతను వెళ్లిపోతుండగా వైష్ణవి గట్టిగా అరిచింది.

"సర్!"

భరద్వాజ్ ఆగాడు.

"ఒక చివరి ప్రశ్న."

"రితు బక్షి కథ ముగిసిపోయిందా?"

---

కొన్ని క్షణాల నిశ్శబ్దం.

ఆ తర్వాత భరద్వాజ్ నెమ్మదిగా వెనక్కి తిరిగి అన్నాడు.

"లేదు."

"రితు బక్షి కథ ఇప్పుడే మొదలైంది."

---

అదే సమయంలో...

వేల కిలోమీటర్ల దూరంలో...

హిమాలయాల మధ్య ఉన్న ఒక నిర్జన ప్రాంతం.

మంచు తుఫాను మధ్య ఒక మహిళ ఒంటరిగా నిలబడి ఉంది.

ఆమె చేతిలో స్నైపర్ రైఫిల్.

ముఖం సగం మంచుతో కప్పబడి ఉంది.

కానీ ఆమె కళ్లలో మాత్రం అగ్ని మండుతోంది.

ఆమె పేరు...

"రితు బక్షి"...

ప్రపంచానికి ఆమె తొలగించబడిన అధికారి.

కానీ విధి మాత్రం ఆమె కోసం మరొక కథ రాస్తోంది.

ఒక ప్రమాదకరమైన కథ.

ఒక రహస్యమైన కథ....